آوار جتگیں بلوچ چیریں ایجنسیاں گون انت۔ وائس فار بلوچ مسنگ فرسنز

وائس فار مسنگ فرسنز ءِ یک ھالترانے ءِ ردا آوار جتگیں  سرجمیں بلوچ راجدوست، نودربر ءُ چاگردی رھشون پاکستانی چیریں دستانی گورا بنداں،،مئے گورا چم دیستیں شاھد ھم است  کہ آ پیش ءَ چیریں ایجنسیانی دست ءَ آوار جنگ بیتگ انت ءُ بازیں ٹارچراں پد یلس کنگ بیتگ انت۔ ھالتران ءِ ردا بی۔ایس۔ او ءِ رھشون  ذاکر مجید، بی۔آر۔ پی ءِ میر ودود رئیسانی ءُ سنگت ثناء بلوچ چیریں دستانی زندان ءَ بنداں ءُ آھاں ھر وڑیں تکلیف دیگ بئیگ اِنت۔۔ایشی ءَ پیش ایمنسٹی انٹر نیشنل ءِ ھم رپورٹے شنگ بیتگ ، رپورٹ ءَ اے گُشگ بیتگ کہ ماں بلوچستان ءَ راجدوستانی آوار جنی ءَ پاکستانی چیریں دست ءُ ایف۔ سی کارندہ ھوار اَنت۔۔او  مرچی سرجمیں دُنیا اے گپ ءَ سھی ءُ سرپدیں ماں بلوچستان ءَ پاکستانی چیریں ایجنسی ءُ پاکی فوج گوں بلوچ راجدوستاں ھما کرد ءَ کنگ انت کہ آئی ءَ بنگلا دیش ءَ گوں غریب ءُ بزگریں مھلوک ءَ کُتگ۔۔پاکستانی دھشت گردیں فوج یک نیمگے پہ بلوچ مھلوک ءِ کُشگ ءَ گار کنگ ءَ لانک بندیں ءُ دومی نیمگ ءَ آ میان استمانی تکاں ھم گوں ناشر کار ٹولیاں ھوار کپتگ ءُ گوں وتی شیطانی کرداں آ دنیا ءِ امن ءُ ایمنی ءِ ھاترا یک خطرناکیں نادُراھی ءِ جوڑ بیتگ۔