کرد یاگیانی اُرش ءَ بیست ءُ شش تُرک فوجی بیران بیتگ۔

انقرہ: عراقی سیمسرانی نزیک ءَ کُردانی سلاہ بندیں گل ”کُردش ورکر پارٹی ءِ اُرش ءَ چہ بیست ءُ شش تُرک فوجی کارندہ بیران بیتگ ءُ شانزدہ ٹپی اَنت۔۔دومی نیمگ ءَ تُرک فوج ءَ عراقی سیمسری ھنداں آپریشن بندات کُتگ۔ کُرد یاگیانی بُنجلانی سرا بمب گواری کنگ اِنت۔۔کُردش ورکر پارٹی نوزدہ سد ءُ ھشتاد چار ءَ تاں روچ ءِ مروچی آزاد کُردستان ءِ جنگ ءَ کنگ انت۔۔گوستگیں بیست ءُ ھپت سالاں کُرد یاگیانی ءُ تُرک لشکر ءِ میان ءَ جنگ ءُ چوپاں پنجاہ ھزار ءَ گیش مردم بیران بیتگ۔ نامئیں کُرد رھشون اوجلان ھم باز وھدیں کہ تُرکی ءِ زندان ءَ بندیں۔ گوستگیں سالے ءَ تُرک لشکر ءِ بمب گواری ءَ چہ یک سد ءُ پنجاہ کُرد آزادی ءِ سرمچار شھید بیتگ انت۔۔بلے نوکیں سال ءَ کُردش ورکر پارٹی ءِ اُرشاں تیزی اَتکگ ،