پاکی چیریں دستانی گورا بلوچ ورناھانی خون ءِ سودا جنوک راجی رھشون گُشگ نہ بنت۔۔خلیل بلوچ۔۔درستیں بی۔ایل۔ایف ناں، بس یک ٹولی ءِ ڈُنگی کنگ اِنت۔ جارکش این۔ پی۔۔سیاسی پارٹی ءُ بی۔ایل۔ ایف ءِ میان ءَ بیان بازی ءَ چہ راجی جُنز ءَ تاوان رسیت۔۔اختر مینگل
Thursday, October 20, 2011
بی۔این۔ایم ءِ رھشون خلیل بلوچ ءَ گوشتگ کہ راجی فکر ءُ زرمبش ءَ باز جوانیں وڑی ءَ دُنیا ءِ پلہ مرزی گون اِنت۔دُنیا ءَ جاہ منندیں ھزاراں بلوچانی واھگ گوں آزاد بلوچستان ءِ جُنز ءَ بندوک اَنت۔ پاکی ریاست ھر وڑیں زلم ءُ زوراکی ،ورناھانی لاشانی چگل دیگ ءَ ابئید ھم راجی جُنز ءِ پروش دیگ ءَ بے سوب بیتگ۔ نو پاکی ریاست بلوچ راجی جُنز ءِ قوت ءَ ھتم کنگ ءُ بلوچ راج ءِ تھا بد گمانی پیدا کنگ ءِ ھاترا وتی رودینتگیں گلاں کارمرزگ لوٹیت۔۔اے کار ءَ نیشنل پارٹی ءِ رھشون پہ جوانی کنگ ءَ اَنت۔۔اے مردم وتی بدیں کردانی چیر دیگ ءِ ھاترا پہ راجی جُنز ءِ بدنام کنگ ءَ ھچ وڑیں دروگ ءُ وتگڑیں بُھتام بازی ءَ چک ءُ پد بیئگ ءَ نہ اَنت۔۔بلے اے وتگڑیں رھشون چر اے گپاں وتی کرداں بلوچ راج ءِ دیم ءَ چیر دات نہ کن اَنت ءُ بلوچ ءَ وتی ھمدرد کُت نہ کن اَنت۔۔راجی غدارانی شکست ءُ ماتیں سر ڈگار ءِ گُما گنوکی ءِ ھدا مھر کنوکانی سوب مندی راجدپتر ءِ تاکاں چو روچ ءَ پدر اِنت۔۔آئی ءَ گوشتگ اے مردم چہ ٹکی شرپ ءُ احترام ءِ وتگڑیں گالبندانی پوست ءَ در بیا اَنت۔۔چیاکہ بلوچ روایتانی تھا شرپ مند ھما اِنت کہ ڈیھ ءِ وفاداریں،،پہ ڈیھ ءَ وتی گھگیریں سران ندر کنت۔۔راجی غدار ھچ بر شرپ مند گوشگ نہ بنت۔۔آئی ءَ گوشتگ نیشنل پارٹی ءُ بی۔ این۔ پی(عوامى) یکیں لانچ ءَ سواراں۔اے گل راجی پجار ءُ آزادی ءِ جنگ ءَ ابئید وتی ٹکی نپانی غلاماں۔ردِ انقلابی کرد ءَ پیلہ کنگ ءَ اَنت۔ڈیھ ءِ سوداگر راج ءِ رھشون گُشگ نہ بنت۔۔ایشانی آسر ھما بیت کہ ھر راجی غدار ءِ بیتگ۔۔
نیشنل پارٹی ءِ جارکش ءَ ھال دیان ءَ گوشتگ کہ بی۔ایل۔ ایف ءَ نیشنل پارٹی پالیسی ءُ رھبندانی سرا اختلاف درنگاز کنان ءَ باز جیڑہ ءُ معاملاتانی سرا مارا اُلس ءِ دیم ءُ وتی سیاسی رھبند ءِ پدر کنگ ءِ موہ رستگ۔نیشنل پارٹی یک سیاسی ءُ جمھوری گلے،، آ گلے ادارھانی ءُ بنکی اصولانی بُنیاد ءَ وتی پیسلہاں کنت۔۔دومی گلانی مئے گُما اختلاف دارگ یک فکری عملے۔بلے ما میڈیا ءِ تھا بی۔ ایل ۔ایف ءِ گُما اختلافانی نشوندھی کدی نہ کُتگ۔ اے گپ راستیں کہ این۔ پی بی۔ ایل ۔ ایف ءِ مقابلہ کنگ ءِ سِکت ءَ نہ داریت۔ چیاکہ مئے رھشونانی تھا تھمبل ءُ برداشت سک بازیں ما ھر کسے گپانی سرا اوپار کُتگ۔ ما خانہ جنگی ءُ برات کُشی ءِ بے سریں عمل ءِ سک ھلاپیں۔ سرجمیں بی۔ ایل۔ ایف ءَ ما ھراب نہ گُشیں ،بلے بی۔ ایل۔ ایف ءِ تھا یک ھاسیں ٹولی ءِ کار کنگ اِنت کہ ایشی ءِ تھا ڈنگ ءُ دُز ھوار کپتگ انت ءُ اے ٹولی مولا بخش دشتی۔ ڈاکٹر نسیم ، لال بخش ءُ دگہ سیاسی کارندھانی کُشگ ءَ ھوار اِنت۔
اختر جان ئے دزبندی سِتا کرزیت بلے واجہءَ چہ اے بیانءَ پیش اے بگشتیں کہ نیشنل پارٹی ریاستی دلارانی پُشتی بانیءَ یلہ بدنت۔آ اگر ریاست ئے ہمراہی و چہ آئیءَ وتی رشتہ آں نہ سندیت اے پیمیں دزبندی بیکار اِنت چیا کہ تو چہ ہما دژمن ءَشیوار بیگ ئے گش ئے نیشنل پارٹی ہما دژمن ئے یار اِنت ،ءُ بلوچیءَ گشئنت دژمن دوستءَ وتی دژمن بزان۔
ReplyDelete