نصیرآباد : چَہ ریل ءِ سر ءَ تیرگواری ءَ سئے مردم ٹپی

نصیر آباد: بلوچستان ءِ ھنکین نصیر آباد ءَ منگولی ءِ گور ءَ پجارگ نہ بوتگیں موٹرسائیکل سواراں ریل ءِ سر ءَ تیر گواری کرتگ چَہ ایشی ءَ ریل ءِ کارمند ءُ دو مسافر سک ٹپی بوتگ ۔ ریلوے پولیس ءَ گوشتگ کہ چَہ پشاور ءَ شال ءَ روکیں کوئٹہ ایکسپریس ءِ سر ءَ منگولی ریلوے اسٹیشن ءِ گور ءَ تیر گواری کنگ بوتگ ۔ چَہ ایشی ءَ ریلوے ءِ کارمند محمد اقبال ءُ دگہ دو مردم ٹپی بوتگ کہ ڈیرہ مراد جمالی ءِ ھسپتال ءَ برگ بوتگ اَنت ءُ کوئٹہ ایکسپریس منگولی ریلوے اسٹیشن دارگ بوتگ ۔ زانگ بہ بیت کہ لھتیں روچ پیسر ءَ ھم ھمے دمگ ءَ بلوچ ری پبلکن آرمی ءَ ریل ءِ سر ءَ اُرش کرتگ ءُ بلوچ ءُ سندھی ھژدار کرتگ اَنت کہ وت ءَ چَہ ریل ءِ  سوار بوگ ءَ بہ پھریز اَنت کہ سرکاری مڈی آھانی نشانگ اَنت ۔