جنگ زدگیں یمن ءَ سیادی داروکیں جنک ءَ ”نوبل داد” رستگ۔۔

اوسلو: یمن ءَ  سیادی  داروکیں  توکل کرمان  اولی  عرب جنین آدم انت کہ آئی ءَ زالبولانی حقانی ھاترا  پُر امنیں  جُھد کنگ ءِ درگت ءَ  نوبل  داد  گپتگ۔ ھالانی  ردا نوبل داد کمیٹی ءِ نیمگ ءَ نوبل گروکانی  نامانی  جار جنگ بیتگ،،، اے ناماں لائبریا ءِ صدر ایلسن جانسن سرلیف ، لائبریا ءِ امن ءِ ھاترا کار کنوکیں باسک لیمن گوبوی  ءُ یمنی جنک توکل کرمان ھواراں۔۔داد کمیٹی ءِ جار ءِ ردا اے  سئیں نامئیں زالبولاں نوبل داد زالبولانی نگھپانی ءَ آھانی  بُنکی حقانی ھاترا  جد ءُ جُھد ءِ درگت ءَ  دیگ  بیتگ۔۔سی  سالی یمنی  جنک ھالکارانی  گل ” جرنلسٹ وِدآؤٹ چینز” ءِ رھشونے... توکل کرمان چہ یمن ءِ شھر ”تعیز” ءَ سیادی داریت۔۔۔تعیز انوگیں اُلسی جنزانی  بُنگاہ اِنت۔۔توکل کرمان صدر علی صالح ءِ ھلاپ ءَ زھر شانی کنوکانی یک  جوانیں  رھشونی  ھم  زانگ  بیت۔۔آئی ءَ رسانکدر ءَ گوں گپ کنان ءَ  گوشتگ  کہ آ رستگیں نوبل داد ءَ یمنی زوراکیں سرکار ءِ ھلاپ ءَ زھرشانی  کنوکیں آشوبی  ورناھانی  نام ءَ  ندر  کنت۔۔۔