سعودی ڈکٹیٹر عبداللہ ءِ برات بیران بیتگ۔

سعودی ڈکٹیٹریں رھشون عبداللہ ءِ برات وزیر دفاع سُلطان بن عبدلعزیز ماں امریکی نادُراہ جاہ ءَ مرچی بیران بیتگ۔۔ سرکاری ٹی۔ وی ءَ ھشتاد شش سالیگیں ڈکٹیٹر ءِ مرگ ءِ ھال ءِ راستی من اِتگ۔۔ سُلطان علاج ءِ ھاترا امریکا ءَ جاہ منند بیتگ ءُ ماہ ءِ ھپت ءَ آئی ءِ آپریشن بیتگ۔۔ وھدیکہ آئی ءِ برات سعودی سروک شاہ عبداللہ سک نادُراہ انت ماں ریاض ءِ نادراہ جاہ ءَ آئی ءِ سرین ءِ آپریشن بیتگ۔۔بلے آئی ءِ جاور سک ھراب انت ءُ نہ ترھیگ ایں۔۔ سلطان ءِ کستریں برات شھزادہ نائق آئی ءِ جاہ ءَ نامدات کنگ بیتگ۔۔یک گپے زانگ لوٹیت کہ اے عرب مُلکانی کُجام حاکمے بہ بیت آ اُگدہ ءَ وتی پت ءِ میراس سرپد بنت ءُ برات مریت آ دگہ برات اُگدھے سرا کئیت پت مریت چُک کئیت اے یک دودی جوڑ بیتگ۔۔