راستی کہ تئی سوب ءَ من ءَ مرکے کُتگ۔

دُژمن مرچی  ھر وڑیں  ھیلہ ءُ توجیلانی  بُنیاد ءَ بلوچ  راجی  جُنز ءَ  ایر جیگ  کنگ  ءِ  جُھد ءَ  کنگ اِنت۔۔نودربر ءُ سیاسی  باسکانی  آوار جنگ ءُ آھانی  لاشاں  ماں  دگ ءُ چاھراھانی  سرا دؤر دیگ ءَ ابئید مرچی دُژمن  دگہ  ھم  بازیں  توجیل ءُ رپک کارمرز کنگ اَنت۔۔تاکہ  بلوچ ءِ فکری  ھمگرنچی  گوں وتی  سنگت ءَ  چہ  بہ  پروشیت ءُ  بلوچ  بد گُمانے  ءِ آماچ  بہ  بیت۔۔من ءَ چہ  جیونی ءَ سنگتی ءَ  پی۔ایم کُت ءُ گوشت کہ  پلیری ءَ  مولانا عبدالخالق ءِ گُم ءَ  دگہ  ھم بی۔آر۔پی ءِ  باسکے  آوار  جنگ  بیتگ۔۔آئی ءَ شھید عبدالمطلب ءِ ھکس  ھم دیم داتگ اَت۔ آئی ءَ گوشت شُما ھمے نیوز ءَ  شنگ کن اِت۔ گُڑا  من پہ  پدردیں دلے  دگہ  سئے  ذمہ واریں سنگت   جُست کُتاں  کہ شما اے  مرد ءِ بابت ءَ  من ءَ پکا  بو گُشے۔۔یک  سنگتے ءَ من ءَ ھمے جواب  دات من ھپتگے ءَ پد وت  رواں  چہ ھما ھند ءَ  ھالے  گراں۔ چیاکہ مطلب ءِ درگت ءَ  من   پکائیں ھبر ءَ  سرپد  نھاں  کہ  آ  آوار  جنگ  بیتگ  یا دگہ نیمگے  شُتگ( ھنچو کہ بلوچ ھما کشک ءِ راھی انت) دگہ  سنگتی ءَ ھم  من ءَ گوشت  کہ خالق ءِ آوار جنگ ءَ پیش مطلب آوار جنگ وا بیتگ  بلے مُلا خالق ءِ سرا چہ ”مطلب” فون ءَ ایس۔ایم۔ایس  اتکگ۔۔مُلا ڈس اِتگیں جاھے  لوٹائینگ  بیتگ۔۔نو  زانگ  نہ بیت ۔۔من اے  درگت ءَ سیمی  سنگتی ھم جُست  کُت۔۔آئی ءَ  من ءَ  اَنچیں  پسہ  دات  کہ  من  ادا  گوشت ئے  نہ  کناں۔۔۔پمیشا  من  ھمے  جوانتر  زانت  اے  درگت ءَ ھاموشی  بھتر اِنت تاکہ  پکائیں  ھبرے  بئیت یا منی  سنگت  وت  ھما  ھند ءَ  برؤت ءُ  اے  گپ ءَ  پکا  بہ  کنت  پدا  گُڈا اے  ھبر ءَ  گوں ھکس ءَ  شنگ  کناں۔۔بلے  سنگت ءَ  اود ئے رؤگ  ءَ  دیر  کُت۔۔۔پدا  ھالتاک ءَ آئی ءِ  شھیدی  ءِ  ھال  شنگ  بیت۔۔۔پدا  وھد ءَ  راستی وت  پدر کُت۔۔۔چیاکہ  وھد  ھما  سلھیں  آدینک اِنت  کہ ھر کسے دروشم ءَ  ھما وڑ  کنت  ءُ  پیش داریت۔۔۔۔من وا  شھید مطلب جان وا  زندگی ءَ  نہ  دیستگ ، بلے آ بی۔ آر۔ پی ءِ باسکے  بیتگ۔۔۔آئی ءِ گورا الم  دگہ  بازیں  سنگت است بیتگاں۔۔۔بلے من ءَ آئی ءِھلک ءِ ھما  سنگتاں گوں گلگے است کہ آ شھید ءِ ھلک ءِ مردماں آھاں چوں  آ نہ زانتگ۔۔مردم وتی سنگت ءَ  ھپتگے  تھا زانت  کنت کہ  چنکہ  آپ ءَ اِنت۔۔آھاں اے  گپ  چیا  شنگ  نہ کُت کہ  مئے  دگہ  سنگتی ھوں آوار  جنگ  بیتگ۔۔تاکہ آئی ءِ ارواہ ءَ  تاھیر  بہ  رستیں۔۔۔واہ اڑے واہ  بلوچ  تو مردم ءِ  زانگ ءَ  سک  دیر کنے۔۔نو اے  گپ ءِ شنگ کنگ ءِ ھچ زرورت  نہ اِنت  چیا کہ  نو مطلب جان ءَ  وتی  ایمان داری  وت  پدر کُتگ  کہ من چنکہ  گوں وتی ماتیں  گُلزمین ءَ بندوک  بیتگاں۔۔گوں راجی  فکر ءَ  منی  کمنٹ منٹ کجام  ھدا  بیتگ۔۔پہ  راجی  جُنز ءَ  منی  کنٹری بیوشن چی اِنت۔۔۔۔۔۔۔۔۔۔۔۔۔۔۔۔

راستی  کہ  تئی  سوب  ءَ  من ءَ  مرگے  کُتگ۔

شات ئے  کہ تئی زوراکی ءَ مرچی پدا زند ءِ یلیں بچے جتگ.