طالبان ءُ نیٹو ءُ افغان سکیورٹی فورسز ءِ ميان ءَ جنگ ءُ چوپ ١٩ ساهت ءَ رَند مرچی آسرا سر بيتگ

کابل(هال) اوغانستان ءِ بُنكى شهر کابل ءَ نیٹو ہیڈ کوارٹرزءُ امریکی سفارتخانہ ءُ دگہ  سرکاری كارگس آنی سرا طالبان ءُ نیٹو ءُ افغان سکیورٹی فورسز ءِ ميان ءَ جنگ ءُ چوپ ١٩ ساهت ءَ رَند آسرا سر بيتگ،افغان سركار ءِ  رِدا ٦ نیٹو فوجی  ٹپی بيتگ ءُ دگہ ١٤  مَردم بيران بيتگ اَنت، وهديكہ آخرى ٢ اُرشى ١٩ ساهت ءَ رَند جنَگ بيتگ اَنت.اے اُرش گوستگیں روچ ءَ هما وهدءَ بِندات بيتگ اَت كہ اوغانى طالبان ءَ  امریکی سفارتخانہ ءُ  نیٹو ہیڈ کوارٹر ءِ سرا گوں راکٹ ءُ  گرینڈاں اُرش كُتگ اَت، اے جنگ ءُ چوپ چارشنبہ ءِ روچ ءَ تاں جارى بيتگ، چیاکہ سلاه بنديں طالبان ءَ امریکی سفارتخانہ ءِ كَش ءَ يک نوک تعمير بيوكيں عمارتى سرا قبضہ ءَ رَند اُرش بِندات كُتگ، ا یساف ءِ جاركش لیفٹیننٹ کرنل جیمز کمنگزءَ  درملكى رسانكدر ءَ هال ديان ءَ گوشتگ كہ اُرش ءَ زهگ ءُچکاں گوں هور ١١ مَردم مُرتگ ءُ ١٩ ٹپی بيتگ اَنت، چرایشی ءَ ٦ نیٹو فوجی هم ٹپی بيتگ اَنت، كہ ٣ امریکی فوجی هم هوار اَنت، اوغان وزارت داخلہ ءِ جاركش صدیق صدیقی ءِ گوشگ ءِ رِدا  سئے پولیس ءِ كارِندهاں گوں هور ١٤ مَردم بيران بيتگ اَنت، دومى نيمگ ءَ ٦ اُرشى هم بيران بيتگ اَنت، آئى ءَ گوشتگ اُرش كنوكاں ٹوہیں سلاه گون بيتگ پمیشا آهاں دراجيں مُدتى ءَ جنگ داتگ، دومى نيمگ ءَ حامد کرزئی ءُ وائٹ ہائوسءِ جاركش جے کارنی آں اے اُرش اير جتگ ءُ گوشتگ كہ چوشیں اُرش اوغان راجى سلامتىءِ سرا اثر دؤر دات نہ کناں، اوغان ءِ دَرى كارانى جاركش ءَ درمُلكى رسانكدر ءَ تران كنان ءَ گوشتگ، كہ اے اُرشانى درگت ءَ گرانیں جُست ودى بيئگ ءَ بيتگ، بلے نوں هتم بيتگ اَنت ءُ آخرى اُرش كار جنگ بیتگ اَنت.