ایمن الظواھری پاکستان ءَ اِنت ' امریکہ

واشنگٹن : امریکہ راج پھازی وزارت ءَ گوشتگ کہ ھالانی رد ءَ القاعدہ ءِ سروک ایمن الظواھری پاکستان ءَ اِنت ۔ اسامہ بن لادن ءِ مرگ ءَ پد ایمن الظواھری کہ القاعدہ ءِ نوکیں سروک اِنت ، آئی ءِ نوکیں ویڈیوے شنگ بوتگ راج پھازی وزارت ءِ جارکش ءَ گوں ھالرسنکاں گپ جنان ءَ گوشتگ کہ مئے گور ءَ ھچ رنگیں ھال نیست کہ الظواھری چَہ پاکستان ءَ ابید دگہ ملکے ءَ بوت کنت ۔ فرانسیسی ھال رسانیں ایجنسی اے ایف پی ءَ گوشتگ کہ امریکی راج پھازی وزارت ءَ گوشتگ کہ اے بیان یک انچیں وھدے ءَ شنگ بوتگ کہ الظواھری ءَ یک ویڈیوے شنگ کرتگ ۔اے ویڈیو ءِ تہ ءَ ایوک الظواھری ءِ ھکسے پیش دارگ بوتگ ۔ زانگ بہ بیت کہ امریکی نیوز نیٹورک این بی سی ءَ چارشنبے ءِ روچ ءَ گوشتگ کہ اے ھبر پاکستانی سیکورٹی کارندہ ءِ نیمگ ءَ گوشگ بوتگ کہ ایمن الظواھری ءَ پاکستان یلو داتگ ۔امریکہ ءَ گوشتگ کہ دیم ءِ داں سال ءَ آئی ءَ چَہ القاعدہ ءَ ترس اِنت کہ آئی ءِ بنجل یمن ءَ اِنت ۔ سی آئی اے ءِ سروک ءَ گانگریس کمیٹی ءِ دیم ءَ بیان داتگ کہ القاعدہ ءَ بیوکِں تاوان ءِ سبب ءَ اے گل ءِ کارروائی کنگ ءِ ھاٹیگ کم بوتگ ۔