چیر اندریں گوازی گر بلوچستان ءَ باز ارزش دیگ ءَ اَنت ' عاصمہ جھانگیر

شال : پاکستان سپریم کورٹ بار ایسوسی ایشن ءِ کارمستر عاصمہ جھانگیر ءَ اد ءَ شال ءَ پاکستان چیر دستیں داد گس ءَ ھمگرنچ بلوچستان  ھائی کورٹ بار ایسوسی ایشن ءَ گوں وکیل ءُ اھوالکاراں تران کنان ءَ گوشتگ کہ انوگیں جاورانی تہ ءَ بلوچستان ءِ ارزش سک باز اِنت ھما مردم چیر اندریں گوازی گر اَنت آ بلوچستان ءَ باز ارزش دیگ ءَاَنت بلوچستان ءِ مزنیں مردم یک گور کنگ بوتگ ءُ انچیں مردم دیم ءَ آرگ بوتگ کہ آھانی ھبراں کس گوش نہ دار اِیت ۔ سوموٹو ایکشن زورگ ءِ سر ءَ منی وتی ھیال اِنت ھریک ھبرے ءِ سر ءَ سوموٹو ایکشن زورگ نہ لوٹ اِیت ایشی ءِ سر ءَ سک باز ایرا د گرگ بوتگ ءُ من سرجمے ءَ وتی گپ گیشینتگ ءُ گوشتگ ءُ بیان ھم داتگت ۔ چیف جسٹس بلوچستان ھائی کورٹ ءَ من ءَ نوٹس کرتگ آئی ءِ پسو من داتگ اگاں آ انگریزی نہ زانت گڑا ما انگریزی ٹیچرے زورگ ءُ آئی ءِ گور ءَ روگ ءُ سرپد کنگ ءَ ئِے ساڑی آں ۔ یک ھبرے من گیشینگ لوٹ آں کہ من ایگزیکٹیو ءِ پابند نئے آں اگاں من ءَ سرکار کماش ، سر وزیر ءُ اُستان سر وزیر زور دیگ ءُ کارے کنائینگ ءِ واھگ بہ دار اَنت گڑا آ رد منی ءِ تہ ءَ اَنت من کسی زور ءَ نہ من آں راھبند ءِ تہ ءَ ھرچ کارے ھست من ھما رنگ ءَ کن آں ۔ آئی ءَ گوشتگ کہ چیف جسٹس ءَ من ءَ گوشتگ کہ وکیل جوانیں جج جوڑ بوت نہ کن اَنت ءُ من گوش آن کہ اے وکیل اَنت کہ شریں جج بنت اگاں وکیل مھکم بہ بنت گڑا دادگس مھکم بیت ۔بلوچستان ءِ ارزش سک باز اِنت بلوچستان ءَ ھروھد ءَ دیم شریتگیں میت دز کپتگ ، آبادکار جنگ بوتگ  ما ایراد گیپتگ ۔بلوچستان ءِ جاور روچ پہ روچ مانگیشان اَنت ۔