تھران : ازرائیلی چاریگ ءِ بھتام ءَ دو مرم ءِ ھلاپ ءَ داد گاہ ءَ چارگزاری بنا کرتگ

تھران : ایران ءَ پہ ازارائیل ءِ چیریں ایجنسی ''موساد '' ءَ چاریگی ءِ الزام ءَ دزگیریں دو شھروندیانی خلاف ءَ داد گاھی کارروائی بنا بوتگ ۔ چارشنبے ءِ روچ ءَ ایران ءِ پراسیکیوٹر عباس جعفری دولت آبادی ءَ رسانکدر ءَ گوشتگ کہ دوئیں شھروند 2009 ءَ دزگیر کنگ بوتگ اَنت۔ ایشانی سر ءَ پہ ازرائیل ءِ سر ءَ چاریگی کنگ ، فوجی جاھانی ھکس کشگ ، ھما جاھاں کہ روگ ءِ اجازت نیست روگ ءُ چَہ ازرائیل ءِ چیریں ادراہ ءَ زر گرگ ءِ بھتام جنگ بوتگ ۔ آئی ءَ گوشتگ کہ دوئیں ازرائیلی چاریگانی ھلاپ ءَ دادگاھی چارگزاری برجاہ اِنت بلے دادگاہ  ءَ دنیگت ھچ فیصلہ نہ کرتگ ۔ زانگ بہ بیت کہ ایرانی دادگاہ ءَ گوستگیں ماہ ءَ بیست ءُ ھشت اگست ءَ پہ ازرائیل ءَ چاریگی کنگ ءِ بھتام ءَ ماجد جمالی منشی نامیں بلوچے  ھم مرگ ڈنڈ داتگ ۔