واشنگٹن: القاعدہ نِزورى ءَ چہ ابئيد هم تُرسناكيں،ڈیوڈ پیٹریاس

واشنگٹن(هال) سی آئی اے ءِ نوک گچين بيتگیں  كار مستر ڈیوڈ پیٹریاس ءَ اُگدہ ءِ دز گرگ ءَ  پد مَرچی کانگریس ءِ ديم ءَ تران كنان ءَ گوشتگ کہ اسامہ بن لادن ءِ مرگ ءَ  پد القاعدہ باز نِزور بيتگ. بلے ايشى ءَ چہ ابئيد هم پہ امريكا ءَ خطره كم نہ بیتگاں، در مُلكى رسانكدر ءِ رِدا امریکا ءِ چیریں دست  سی آئی اے ءِ نوكيں كار مستر ڈیوڈ پیٹریاس مَرچی اوّلى رَند ءَ کانگریس ءِ ديم ءَ پیش بیتگ، آئى ءَ گوشتگ القاعدہ پدا باز بيمناكيں دروشمى ءَ ديم ءَ آيگ اِنت، نائن الیون ءَ ده سال گوزگ ءَ ابئيد هم القاعدہ پہ امریکا ءَ پریشانی ءِ سوب جوڈ ایں، آئى ءَ گوشتگ القاعدہ ءِ باز گروپ انگت كار كنگ ءَ اَنت ،آهانى گِر ءُ دار بيئگ ءَ نہ اِنت، جنوبی صومالیہ هم پہ القاعدہ ءِ جنگولاں محفوظ ايں دمگے.