کابل : سی آئی اے ءِ کمپان ءَ تیرگواری دو اوگان سپاھی ٹپی ، اُرش کنوکے کشگ بوتگ

کابل : امریکن سی آئی اے ءِ کمپان ءَ چَہ تیرگواری ءَ دو اوگان فوجی ٹپی بوتگ ۔ چَہ واشنگٹن ءَ امریکی سرکار ءِ مردماں اے ھبر راست من اِتگ کہ اوگان ءِ بنجاھی  شھر ءَ امریکنانی یک ماڑی یے نشانگ کنگ بوتگ ۔اوگانستان ءِ تھی کارانی وزارت ءِ جارکش ءَ گوشتگ کہ چَہ ھما کمپان ءَ کہ چندیں منٹاں تیرگواری ءِ توار اش کونگ بوتگ آ سی آئی اے ءَ گون اِنت ۔ھالانی رد ءَ چَہ اُرش کنوکاں ھم یکے کشگ بوتگ ۔ھمے جاہ ءَ کہ اُرش بوتگ پیسر ءَ آریانا ھوٹل ءِ نام ءَ زانگ بوتگ اَت ۔دو ھپتگ ءَ پیش ھم ھمے کش گوراں طالبان ءَ امریکہ ءِ سفارتجاہ ءُ نیٹو ءِ بنجاھی کارگس ءِ سر ءَ اُرش کرتگ۔