سیٹلائیٹ جمعہ ءَ زمین ءَ کپیت

امریکہ ءِ خلائی ادارہ "ناسا"ءِ گشگ اِنت کہ پنچ ٹن گرانیں یک وت جوڑیں(مصنوعی) سیارہ ئِےجمعہ ءِ روچءَ زمین ءِ سرایک جاہ ئِےءَ کئیت ءُ کپیتءُ تباہ بیت۔ ناسا ءِ رد ءَآسمان ءَ چہ زمین ءَ کپوکیں گیشتروت جوڑیں سیارہ سُچنت ءُ ھلاس بنت۔ ناسا ءِ گشگ اِنت کہ انوں اے گپ گشگ نہ بیت کہ اے سیٹلائیٹ کدی ءُ کجا کئیت ءُ کپیت۔آئی ءِ گشگ اِنت کہ آسمان ءِ بابتءَ پنجاہ سال ءِ پٹ ءُ پول ءِ رد ءَ انگتءَ سیٹلائیٹ ءِ کپگ ءُ جانی تاوان ءِ ہچ وڑیں ھال نیست۔ ناسا ءِ گشگ اِنت کہ پٹ ءُ پولی مول ءُ مرادانی واستہ جوڑ کتگیںسیٹلائیٹ یو اے آر ایسءِ زمین ءِ سرا کپگ ءِ سوب ءَ سی دو صد جانانی تہا یک ئِے زنداگی ءَ تاوان رسگ ءِ گمان بوت کنت۔آئی ءِ گشگ اِنت سائنسدان وت جوڑیں سیارہءِ زمین ءِ مدار ءِ تہا آہگ ءِ دو کلاک پیش اے گشت کننت کہ سیارہ کجا کپیت۔ سائنسدانی گشگ اِنت کہ زمین ءِ مدار ءِ تہا پترگ ءَ رند سیارہ بیست ءُ شش بھرانی تہا بھر بیتءُ ایشی ٹکر چار ءُ پنچ صد کلومیٹر ءِ دوری ءَ کپنتءُ شنگ بنت۔ یو اے آر ایس ءَ را خلائی شٹل ڈسکوریءِ سوب ءَ 1991ءَ آسمان ءَ روان دئیگ بوتگءُ سال 2005ءَ ریٹائرڈ کنگ بوتگ۔ایشی ءَ چہ پیش 1979ءَ یک وت جوڑیں سیارہ ئِے زمین ءِ سرا کپت ءَ تباہ بوتگ ءُ آ یو اے آر ایس ءَ چہ پنچ بھراں گیش مزن بوتگ۔ءُ آ روایرشرتی آسٹریلیاءَ کپت ءُ تباہ بوتگءُ آ وھد ءَ آسٹریلیا ءِ سرکار ءَ راایشی ءِ ٹکرانی ساف کنگ ءِ امریکی سرکار ءَ چہ چار سد ڈالر ذر زرتگ ات۔