رملہ : "يو.اين.او" ءَ فلسطینی استان ءِ باسكے ءِ دزبندى ديم ديگ بيت، صدر محمود عباس

رملہ (هال) فلسطنی صدر محمود عباس ءَ یک گشتانكے ءَ اے گپے راستى مَنّتگ کہ آيوكيں هپتگ ءَ ميان استمانى گل "يو.اين.او" ءَ فلسطینی استان ءِ باسكے ءِ دزبندى ديم ديگ بيت، آئى ءَ گوشتگ ١٩٦٧ ءِ شيمسرانى مطابق ءَ فلسطینی استان ءِ منگ ءِ هاترا "سکیورٹی کونسل" ءَ دزبندى ديم ديگ بيت. دزبندى ءِ رِدا استان ءِ دارالحکومت رودرتكى "یروشلم" اِنت، امریکہ اے گپ ءِ حق ءَ نہ اِنت ءُ امریکا ءَ چوشيں كُجام وڑيں گامگيجے ءِ "ویٹو" كنگ ءِ بيهار داتگ. فلسطین ءِ نوكيں نقشہ كہ آئى ءِ "يو.اين.او" ءِ ديم ءَ پيش كنگ ءِ چِن ءُ لانچ بيئگ اِنت، آئى ءِ تها روكپتى اردن، غزہ ءُ رودرتكى "یروشلم" هوار اَنت، اسرائیل ءَ هم فلسطینی استان ءِ جيڑه ءَ "يو.اين.او"ءِ جنرل اسمبلی ءَ برگ رَد كتگ ءُ ايشى ءَ چہ هرابيں آسرانى ودى بيئگ ءِ بيهار داتگ.