شال : پولیس ءُ سیکورٹی فورسزمھلوک ءَ دلسیاہ کنگ ءَ اَنت

شال : شال ءَ پولیس ءُ دگہ سیکورٹی ادارھاں  پٹگ ءِ نام ءَ شھروندانی دلسیاہ کنگ ءِ درچ بنا کرتگ ، پولیس کارندہ پٹگ ءِ میان ءَ مردماں لٹ ھم دئے انت ۔ اے رِد ءَ رستگیں ھال ءِ تہ ءَ گوشگ  بوتگ کہ پولیس بازیں جاگھاں اُوشتاتگ ءُ شھریانی کیسگاں پٹگ ءَ اِنت ءُ سواریاں چَہ گاڑی ءَ کشگ ءُ اِش کنگ ءَ چَہ آھاں زر پچ گرگ ءَ اِنت ۔ بلیلی چیک پوسٹ ءَ پولیس ءُ دگہ سیکورٹی ادارۃ جنیناں ابید نادراھاں ھم پٹگ ءَ اِنت ۔ ھرکس ءَ کہ پجار کارڈ گون نیست چَہ آھاں ھزارھاں روپیہ ءِ لوٹ کنگ بیت  چَہ نہ دیگ ءَ سواری ایرکنگ ءُ اُوتاک ءِ تہ ءَ بند کنگ ءُ لٹ دیگ بیت ۔ شال ءِ دمگ کچلاک ءَ  ھم بازیں جاھاں پولیس اُوشتاتگ ءُ مساپراں دلسیاہ کنگ ءَ اَنت ۔ زانگ بہ بیت کہ ھروھدے شال ءَ تراکے بہ بیت سیکورٹی فورسز وتی زھر ءَ شھروندانی سر ءَ کش اِیت ۔