طرابلس: لیبیا ءَ کرنل قذافی ءِ جارکش دزگیر بوتگ

طرابلس: لیبیا  عبوری  کونسل  سرکار ءِ  گوشگ  ءِردا  کرنل  قذافی  ءِ  جارکش  موسٰی  ابراھیم  چہ  سیرت  ءِ کش  ءُ  گوری  دمگاں  دزگیر  کنگ  بیتگ۔  موسٰی  ابراھیم  ءَ  بازیں  وھدے  ءَ  کرنل  قذافی  ءِ  جارکش  ءِ  بستار  ءَ  کار  کُتگ۔ رسانکی  ھالانی  ردا  موسٰی  ابراھیم  دزگیری ءِ وهد ءَ  لال مسیت ءِ پاکستانی  مُلا ءِ  وڑا  جنینی پشکے  گورا  کُتگ  ءُ  تچگ  ءَ  دلمانگ  بیتگ۔ آئی  ءَ  وتی  دیم  سیاھیں  بُرقعہ ئے  تھا  چیر  داتگ۔ سیرت  قذافی  ءِ  پت  ءُ  پیرکی  شھریں  اودا  قذافی  ءِ  منوگر  ءُ  یاگیانی میان ءَ  جنگ  برجاہ  اِنت ۔ھالانی  ردا  یاگیاں  بالی  پٹ  ءِ  سرا  قبضہ  کُتگ  ءُ  قذافی  ءِ پٹ ءُ  پول برجاہ  اِنت۔ قذافی ءِ  بابت  ءَ ھمے  گُمانیں  کہ  آ  سیمسری  ھنداں پراہ ءُ  شاھگانیں  ریکستان ءِ  تھا  ٹپ اِتگ۔