نوکنڈی : سامراج ءِ ھندی دلار ایوک لٹ ءِ زبان ءَ سرپد بنت ' بی ایس او آزاد

نوکنڈی [ پ ر ] بی ایس او آزاد ءِ جار کش ءَ گوشتگ کہ چاگی ءَ چَہ نیم درزن ءَ برز ملٹی نیشنل کمپنی ءُ دگہ  سامراجی ایجنٹانی کمپنی گوں تیزی ءَ مڈیاں پلگ ءَ اَنت ءُ گچینی ریکوڈک ءُ سیند ک ءَ پہ بلوچ مڈیانی لٹ پل ءَ زھرناکیں مواد کارمرد کنگ بوگ ءُ پد ءَ آ پچیں پٹ ءَ دور دیگ بوگ ءَ اَنت ۔ چَہ ایشی ءَ ابرم ءُ چارگرد ءَ تاوان رسگ ءَ اِنت ءُ ھمیشی ءِ سبب ءَ کش ءُ گور ءِ انسانی آبادی ءُ پوریاتگرھزارانی کساس ءَ بازیں نادراھیانی آماچ اَنت ۔ جارکش ءَ گوشتگ کہ مئے ورنا اے درگت ءَ بہ مار اَنتءُ باید سامراجی ایجنٹانی دستاں بے گڈ اَنت کہ سامراج ءِ ھندی دلار پہ کسانیں لباں وتی بلوچ راج ءِ ھواریں مڈیاں وتی پیرکی مڈی سرپد ءُ گوں سامراج ءَ ارزان نھاد ءَ بھا کنگ ءَ اَنت ۔ جارکش ءَ گوشتگ یک گورے بلوچ گلزمین ءِ ھمک ھند ءَ سیاسی جھدکار انی آوار جنگ ، آھاں کشگ ءُ میتاں شرینگ ءُ چلینگ ءَ اَنت ۔ دومی نیمگ ءَ چاگی ءُ دگہ دمگاں سامراجی سردار ءُ نوابانی کمک ءَ مڈیانی لٹ ءُ پل ھم گیش کرتگ اِش  بلے نوں کہ بلوچ راج وتی منزل ءِ نزیک ءَ سر بوتگ ءُ دژمن گنوکی ءَ زرتگ ءُ بلوچ گلزمین ءِ تباہ کنگ ءَ سر گیپتگ پمیشکا اے جاوراں ورناھانی ذمہ واری اِنت کہ گوں لیکو ی سلاھاں وتی گلزمین ءِ آجوئی ءِ جھد ءِ پجیگ ءَ مڈیانی لٹ پل کنوکیں ھندی ءُ دری سامراجی زوراکاں ھم بے دار اَنت ۔ایشانی ھندی دلار ایوک زور ءُ لٹ ءِ زبان ءَ سرپد بنت ۔