تھران : ایران ءُ روس میان ءَ انرجی پروٹکل ءِ سر ءَ دزرند

تھران : ایرانی ھال رساں مھر نیو ز ایجنسی ءِ رپورٹ ءِ رد ءَ ایران ءُ روس ءِ میان ءَ انرجی ءِ پروٹکل ءِ سر ءَ دزرند بوتگ ۔ بوشھر ءِ ایٹمی پلانٹ ءِ بنا کنگ ءِ سر ءَ ایران ءُ روس ءِ میان ءَ ایٹمی تک ءَ ھمکاری  کنگ ءِ گپ جنگ بوتگءُ اے درگت ءَ دوئیں ملکاں پروٹکل ءِ سر ءَ دزرند کرتگ ۔ ایران ءِ ایٹمی ادارہ ءِ سروک محمد عباس  ءُ روس ءِ انرجی وزیر اشماٹکو ءِ  موجودگی ءَ ایران ءِ انرجی ءِ پیداوار ءُ توسعہ کمپنی ءِ جھگیر محمد احمدیان  ءُ روسی اٹم اسٹروکمپنی ءِ جھگیر بلوخوف ءَ دزرند کرتگ اَنت ۔