سندھ ءِ بلوچ پہ بلوچستان ءِ بلوچانی مالی ءُ جانی کمک ءَ اُوشتاتگ اَنت ' بی ایس او آزاد لاڑکانہ

شال : پاکستانی سرکار ءِ آوار جتگیں بلوچ زندانی ودود رئیسانی ، جلیل ریکی ، سنگت ثناء ، ڈاکٹردین محمد ، علی اصغر بنگلزئی ، غفور ، مشتاق رودینی ، سمیع مینگل ، حافظ سعید الرحمن ءِ شد ھرجاپی گدان ءَ 439روچ ، وھدے کہ گھرام ، اقبال ، کریم جان ، غلام اللہ ءِ کھول ءَ 37روچ سرجم بوتگ ۔ پہ پاکی سرکار آوار جتگیں مردماں کھولانی گندگ ءُ ھمدردی ءَ آیوکیں بی ایس او آزاد ءِ چانڈ کا میڈیکل کالج لاڑکانہ ھنکین ءِ باسکاں کہ بلوچستان ءَ ترگ ءَ اَتکگ اَنت ، گوں پاکی سرکار آوار جتگیں مردمانی کھولاں گوشتگ کہ سندھ ءَ نندوکیں توامیں بلوچانی ھمدردری گوں شما اَنت ۔ھما کہ اے وھدے آوار جنگ بوتگ اَنت یا کہ شھید کنگ بوتگ اَنت ما توامیں سندھ ءِ بلوچ پہ بلوچستان ءِ بلوچانی مالی ءُ جانی کمک ءَ ھروھد ءَ اوشتاتگ اِنت مئے ضمیر ھمے سرمین بلوچستان ئیگ اِنت مئے پت ءُ پیرک پہ لاپ ءِ شوھاز ءَ سندھ ءَ آباد بوتگ اَنت۔